ஏ.பி.ஆர்.புனிதா ரமேஷ், நங்கவரம்
உங்க `அன்பு வட்டம்' பதில்களைத் தொடர்ந்து படிக்கிறேன்.
சில சமயம் உங்களுக்குக் கடவுள் நம்பிக்கை இருப்பதாகத்
தோன்றுகிறது. சில சமயம் இல்லாததுபோல் தோன்றுகிறது. எதுதான் நிஜம்
அனுஷா?
பள்ளிச் சிறுமிகள் இருவர், ஸ்கூலுக்குப்
போய்க் கொண்டிருந்தனர். அன்றைக்கு முக்கியமான பரீட்சை. வழியில்
கொஞ் சம் லேட்டாகிவிட்டது. ஒரு சிறுமி சொன்னாள், "இதோ இந்தக்
கோயிலுக்குப் போய் கும்பிடலாம். சாமி காப் பாத்திடுவாரு!"
என்றாள்.
மற்றவளோ, "வேணாம்... வேணாம்... நாம்ப முடிஞ்ச அளவுக்கு வேகமா
ஓடலாம். ஓடிக்கிட்டே பிரார்த்தனை செய்யலாம்" என்றாள்.
`70% நம் முயற்சி! 30% கடவுள் கையில்'னு நினைக்கிற ஆஸ்திகப் பெண்
நான்! எனி மோர் டவுட்ஸ்?
சி.கவிதா குலசேகரன்,
தஞ்சாவூர்-2
சமீபத்தில் உங்களைக் குற்ற
உணர்வு கொள்ளச் செய்தது எது அனுஷா?
செல்ஃபோன்
வந்த புதிதில் வாங்கிய எளிய மாடல் அது! ஆறு வருடங்களாக ஒரு
தொல்லை இல்லை! கேமிரா, எஃப்எம், மல்டிமீடியா, மெயில், ப்ளூ டூத்
போன்ற எந்த நவீன வசதியுமில்லை என்றாலும் நல்ல செய்திகளையே கொண்டு
வந்தது. சமீபத்தில் ஒரு நவீன செல்ஃபோனை வாங்க நேர்ந்ததும், என்
பழைய செல்ஃபோன் பயனற்று கிடக் கிறது.
"நான் நன்றாகத்தானே உழைத்தேன்? என்னை ஒதுக்கி விட்டாயே! நீயும்
ஆடம்பரவாதி யாகிவிட்டாயே அனுஷா?" என்று அது என்னைக் கேட் காமல்
கேட்கிறது!
இராம.வேதநாயகம், வடமாதிமங்கலம்
`ஒரு நாள் முதல்வர்'- பதவி கொடுத்தால் முதலில்
எந்தக் கோப்பில் கையெழுத்து இடுவீர்கள்?
பூரண
மதுவிலக்கை மிகக் கடுமையாக அமுல்படுத்தும் சட்டம் கொண்டு வந்து,
தமிழகப் பெண்களின் ஊசலாடும் தாலிக் கயிறுகளை மீட்பேன்.
Top
