கல்வி முறை என்பது ஒரு பாடத்திட்டம் சம்பந்தமான பிரச்னை மட்டுமல்ல... அது ஒரு நாட்டின் பண்பாடு, பொருளாதாரச் சூழல், சமூகச் சூழல் போன்ற பலவற்று டனும் தொடர்புடைய ஒரு பிரச்னை. அந்த வகையில் பல்வேறு அம்சங்களைக் கணக்கில் எடுத்துக் கொண்டு நாம் புதிய தீர்வுகளைத் தேட வேண்டும்.

இன்று நடைமுறையில் இருக்கும் பொதுக் கல்வி முறையை நாம் முற்றாக நிராகரிக்க முடியாது. ஒருவருக்கு அடிப்படையில் தேவை யான மொழி அறிவையும், சமூக அறிவையும் வழங்க கூடிய அம்சங்கள் இந்தக் கல்வி முறையில் உண்டு.

ஆனால், புதிய கல்விச் சிந்தனையும், புதிய சமூகச் சூழலும் நிலவுகிற இந்தக் காலகட்டத்தில் அதில் சீர்திருத்தங்களைக் கொண்டு வருவது தவிர்க்க இயலாததாகிவிடுகிறது.